Агрометеорологиялық онкүндік шолу

2017 жылдың мамыр айының 3-ші онкүндігіне

қысқаша агрометеорологиялық шолу

 

      Еліміздің оңтүстігі мен оңтүстік-шығысында күздік бидай егетін аудандарында өсімдіктердің өсуіне және дамуына қолайлы жағдай болды. Бақылау учаскелеріндегі күздік бидай: төменгі қабаттағы сабақ түйінің пайда болу-гүлдеу кезеңінде, Оңтүстік Қазақстан облысында масақтану-сүттік пісу кезеңінде. Өсімдік жай-күйі жалпы өте жақсы және жақсы.

      Мамыр айының үшінші онкүндігінде республикамыздың солтүстік орталығының барлық аудандарында жаздық дәнді дақылдарды себу жалғасуда. Жаздық дақылдардың өсіп-өну жағдайы қолайлы болды. Жауын-шашын барлық жерде жауып, еліміздің солтүстігінде мол жауып, бұл атмосфералық және топырақтағы ылғалдылықты жақсартуға жағдай жасады, бірақ себу жұмыстарының аяқталуын біршама тежеді.

      Батыс Қазақстан және Ақтөбе облыстарында жаздық бидай егістерінде: көктеу – 3-ші жапырақ, кейбір жерлерде түптену кезеңінде. Өсімдік жай-күйі жақсы және қанағаттанарлық.

      Еліміздің солтүстік, шығыс және орталық аймақтарында тұқымды дәрілеу және алдын-ала топырақты өңдеуден кейін себу жұмыстары жалғасуда. Бақылау учаскелерінде әдеттегі мерзімде себілген жаздық дақылдарда: дәннің өсуі-3 жапырақ кезеңі байқалған.

      Республикамыздың оңтүстік облыстарында дәнді дақылдардың өсіп-өнуіне қолайлы метеорологиялық жағдай байқалды. Жаздық бидай егістерінде: дәннің өсу-сабақтану кезеңі байқалады. Өсімдіктердің жай-күйі жалпы жақсы. Алматы облысынның Кербұлақ ауданында жаздық бидайды себу жалғасуда. Жаздық арпаның жай-күйі жақсы және өте жақсы. Даму кезеңі: дәннің өсу-сабақтану, ерте себілген алқаптарда – масақтану кезеңі. 

      Оңтүстік облыстарда жылу сүйгіш дақылдарды себу аяқталуда. Қант қызылшасын, жүгеріні қатараралық өңдеуге және азот тыңайтқыштарын енгізуге, сондай-ақ кей жерлерде күріш чектерінен суды жіберуге кіріскен, күрішті себу жұмыстары аяқталуда.

      Алматы, Солтүстік Қазақстан, Қостанай, Шығыс Қазақстан және Қарағанды облыстарында картопты отырғызу жалғасуда, кейбір учаскілерде алғашқы көктеу байқалады, топырақты қопсытуға және малалауға кіріскен.

     Батыс Қазақстан облысының Шыңғырлау және Бұлдырта МС маңайындағы бақылау учаскілерінде мақсарының жай-күйі жақсы, даму кезеңі: екінші жұп жапырақтың пайда болуы.

      Республикамыздың оңтүстік және оңтүстік-шығысында жеміс дақылдарында: гүлдеу соңы-жемістің қалыптасуы, бүлдіргенде – гүлдеу кезеңі байқалды. Алматы облысының Сарқанд МС айналасындағы алма бақтарын вегетативті суаруға және Есік МС маңайында улы химикаттармен өңдеуге кіріскен. Сондай-ақ кезең басында Жамбыл облысының              Саудакент МС айналасындағы алма бақтарында вегетативті суаруға кіріскен.

      Еліміздің оңтүстік және оңтүстік-шығысының бақылау учаскілерінде жоңышқа өсімдігінің жай-күйі барлық жерде жақсы, 1-ші шабуға кірісті. Даму кезеңі: гүл шоғырының пайда болуы – гүлдену, суару жұмыстары жүргізілуде. Эспарцет және беде шөптерінің жай-күйі де жақсы. Даму кезеңі: гүл шоғырының пайда болуы.

     Қостанай және Қарағанды облыстарының бақылау учаскілеріндегі еркекшөптің жай-күйі жақсы. Даму кезеңі: сабақтың төменгі түйінінің пайда болуы – масақтану. Павлодар облыстарының бақылау учаскілеріндегі еркекшөптің жай-күйі қанағаттанарлық, ал Андриановка АМБ және           Лозовая МС маңында жаман. Даму кезеңі: сабақтың төменгі түйінінің пайда болуы – масақтану. Облыстың барлық жерінде еркекшөптің малмен тапталуы байқалған.

     Мал шаруашылығы аудандарының аймақтарында мамыр айының үшінші онкүндігінде ауа-райы әдеттегіден жылы, жауын-шашын әр түрлі қарқынмен жауған, кей жерлерде найзағайлы және күшті желді болды.

      Малды бағу барлық мал шаруашылығы аудандарда жүргізілді. Мал шаруашылығында қойды қырқу және профилактикалық шомылдыру, сондай-ақ мал дәрігерлік іс-шаралары жалғасуда.

      Ақтөбе облысының Ырғыз ауданында, Солтүстік Қазақстан облысының Уәлиханов ауданында, Қарағанды облысының Шет ауданында, Алматы облысының Балқаш және Еңбекшіқазақ аудандарыңда және Оңтүстік Қазақстан облысының Созақ ауданындағы шабындық және мал жайылымдарында жер отынның жай-күйі өте жақсы болған, ал қалған аймақтарда жақсы және қанағаттанарлық жай-күй байқалған.

      Ақтөбе облысының Ырғыз ауданында, Қарағанды облысының Шет ауданы және Алматы облысының Еңбекшіқазақ ауданыңдағы жайылым аз немесе мүлдем малмен тапталмаған, қалған аймақтарда жер оты орташа тапталған.

     Өткен онкүндікте мал шаруашылығы аудандарының басым бөлігіңде шымның жай-күйі құрғақ, ал Ақтөбе облысының Ырғыз ауданында және Алматы облысының Жамбыл ауданыңда жауын-шашын жауғаннан шымның жай-күйі дымқыл болған.

     Мамыр айының 3-ші онкүндігінде Жамбыл және Алматы облыстарында топырақтың ылғал қоры оңтайлы болды. Павлодар және Шығыс Қазақстан облыстарында топырақтың  ылғалдану жағдайы жеткіліксіз болып бағаланған, қалған аймақтарда қанағаттанарлық.

Copyright © 1998-2017, РГП "Қазгидромет"
Разработка: компания «Creatida» Поддержка сайта «Турбосайт»