РМК «Қазгидромет»
Қазақстан Республикасы
Энергетика министрлігі
Добавлено: 08 ақпан 2017 18:49, Изменено: 08 тамыз 2019 16:05

 

ГИДРОЛОГИЯ ДЕПАРТАМЕНТІ

 

КҮНДЕЛІКТІ ГИДРОЛОГИЯЛЫҚ БЮЛЛЕТЕНЬ №147

 

8 тамыз 2019 ж., бейсенбі

 

Өткен тәулікте республиканың оңтүстік, оңтүстік-шығыс және шығысының таулы өзендерінде су деңгейлерінің ауытқулары бақыланды. Бұқтырма су қоймасына келіп түсетін су 555 м3/с-қа тең,  Шүлбі су қоймасына келетін бүйірлік ағын – 61 м3/с. Бұқтырма су қоймасынан су тасталымдар 535 м3/с тең, Шүлбі су қоймасынан тасталымдар – 697м3/с тең. Сырдария өзені – Көкбұлақ ГБ су ағыны 105 м3/с тең (Түркістан облысы).  Шардара су қоймасынан тасталатын сулар 571  м3/с құрады, су  қойма  қарқынды түрде  азаюда, ал су қоймасындағы су көлемі 2335 млн.м3-қа тең. Қапшағай су қоймасына келіп түсетін су – 348 м3/с, су қоймадан  тасталатын су – 632 м3/с тең, ондағы су көлемі – 16550 млн.м3.

Республиканың жазық өзендерінің гидрологиялық режимінде айтарлықтай өзгерістер бақыланбады, жаздық сабалық кезең сақталуда.

                                                                                             

МАҢЫЗДЫ ГИДРОЛОГИЯЛЫҚ ҚҰБЫЛЫСТАРҒА БОЛЖАМ

 

Алдағы тәулікте республиканың оңтүстігі, оңтүстік-шығысы  таулы өзендерінде су деңгейлерінің ауытқулары,  шығыстың жекеленген  өзендерінде су деңгейлерінің көтерілуі күтіледі.Жазықтық өзендердің гидрологиялық режимінде  өзгерістер күтілмейді.