РМК «Қазгидромет»
Қазақстан Республикасы
Энергетика министрлігі
Добавлено: 17 наурыз 2017 17:50, Изменено: 09 сәуір 2018 18:03

Қазақстан бойынша 2018ж. жылы жартыжылдыққа арналған ауа-райы болжамы

2018 жылғы 19 наурыз ҚР Энергетика министрлігінің «Қазгидромет» РМК баспасөз-конференциясы өткізілді. Спикерлері: Гидрометорталықтың директоры Марина Шмидт пен Ұзақ мерзімді ауа-райы болжам басқармасының басшысы Гүлмира Акишева болды.

Баспасөз-конференциясының барысында Гүлмира Акишева, биылғы жылғы сәуір аса жылы, бірінші және үшінші онкүндікте жауын-шашын жиі болатынын айтты. Осы айдың ішінде жылы ауа-райы бірнеше рет салқын күндердің қайтып келуімен алмасып отырады. Осы ретте солтүстікте, орталықта және еліміздің шығысында ауа температурасы түнде 5...15 аязға төмендеп, ал күндіз 0...5 дейін жылы болған кезде, бірінші онкүндіктің аяғында  температураның едәуір төмендеуі күтіледі.

Болжамға сәйкес, сәуірдің бірінші және үшінші онкүндігінде, Орталық Азиядан оңтүстік-батыс ағындарымен байланысты, осы маусымда болмайтын жылы, еліміздің оңтүстігінде ыстық ауа-райы қалыптасады. Ауа температурасы күндіз:

солтүстік жартысында 15 ... 23 дейін жылы;
оңтүстік жартысында 20 ... 28 дейін жылы болады.

Сәуірде ауа-райы алдамшы және үшінші онкүндіктің басы мен соңында температураның көтерілуінен кейін суық түсу күтілуде:

Солтүстік жартысында жауын-шашын болып, ауа температурасы түнде 0-ден төмен, күндіз 5-тен 15-ке дейін көтеріледі.

Оңтүстіктік жартысында күн күркіреп, өткінші жауын жауады,  түнде ауа температурасы 5...10, ал күндіз 15...20 дейін жылынады.

Мамыр жылы және жауын-шашынды болады деп күтілуде, тек республиканың оңтүстік-батысында, оңтүстігі мен орталығында жауын-шашын нормадан  аз түседі.

Маусым-шілде айларында республиканың батысы мен оңтүстігін қоспағанда, жауын-шашынның нормадан төмен болуы күтілуде.

Марина Шмидт атап өткендей, тамыз айында облыстардың басым бөлігінде, температурасы 1...20С ыстық болады деп болжанатын, республиканың батыс бөлігін қоспағанда,   ауа температурасы нормаға жақын болады деп күтіледі. Тамызда жауын-шашын мөлшері нормадан төмен, тек Солтүстік Қазақстан, Ақмола, Шығыс Қазақстанның солтүстігінде, Алматы облысының таулы және тау бөктері аймағында ғана нормаға жуық болады деп күтілуде.

Күз мезгілінің алғашқы күндері ұзақ мерзімді болжам бойынша қолайлы, халық күнтізбесінде «қоңыр күз» деп аталатын ауа-райы күтілуде.

«Қазгидромет» РМК,   ауа-райының ұзақ мерзімді болжамдарын әзірлеген кезде, басқа гидрометеорологиялық қызметтер сияқты Дүниежүзілік метеорологиялық ұйымның 13 жетекші әлемдік орталығымен  әзірленген,  ғаламдық (әлемдік) болжамдар нәтижелерін және статистикалық әдісті, яғни ұқсас жыл таңдауды, Солтүстік-Еуразия климаттық орталығының ай сайынғы және маусымдық температураның және жауын-шашын ауытқуларының (карталар түріндегі) нәтижелері негізіндегі өнімдерін негізге алады.

Спикерлер атап айтқандай, ең үздік заманауи әдістер мен технологияларды қолдануға қарамастан, ұзақ мерзімді болжамдарда көп қателер бар, бұл атмосфераның ретсіз табиғатына байланысты болады. Бүкіл әлемде ұзақ мерзімді болжамдардың жетістігі қарапайым және жеткіліксіз болып қалуда, сондықтан маусымдық болжамды, консультативтік  болжам ретінде пайдалану керек, ол айлық, онкүндіктік және тәуліктік болжамдармен  тұрақты нақтыланып тұрады.