РМК «Қазгидромет»
ҚАЗАҚСТАН РЕСПУБЛИКАСЫ
ЭКОЛОГИЯ, ГЕОЛОГИЯ ЖӘНЕ
ТАБИҒИ РЕСУРСТАР МИНИСТРЛІГІ
Добавлено: 29 қыркүйек 2019 14:35, Изменено: 21 ақпан 2020 14:29

Қазақстан аймақтарында 2020 жылғы 22 ақпанда болатын ерекше метеорологиялық құбылыстарға болжау–консультациясы

Қазақстан аумағының басым бөлігі циклон жырасының ықпалында болады және онымен байланысты атмосфералық фронттардың әсерінен жауын-шашын (жаңбыр және қар түрінде) жауады. Еліміздің батысы жоғарғы атмосфералық қысым аумағында болғандықтан, жауын-шашынсыз ауа райы болады. Республиканың кей жерлерінде тұман, көктайғақ, жаяу бұрқасын, желдің күшеюі күтіледі.

Жамбыл облысының кей жерлерінде тұман, көктайғақ, жаяу бұрқасын, желдің күші 15-20, екпіні 23-28 м/с, таңертең және күндіз облыстың оңтүстік-батысында 30 м/с және одан аса күтіледі. Түркістан облысының кей жерлерінде тұман, түнде – найзағай, желдің күші 15-20, түнде және таңертең екпіні 23-28 м/с күшейеді. Алматы облысында түнде және таңертең кей жерлерде тұман күтіледі, түнде Жалаңашкөл ауданында жел 18-23 м/с күшейеді. Қарағанды, Шығыс-Қазақстан облыстарының кей жерлерінде тұман, бұрқасын, көктайғақ, жел 15-20 м/с, Шығыс-Қазақстан облысының Жарма ауданында екпіні 25 м/с күтіледі. Қызылорда облысының кей жерлерінде тұман, көктайғақ, күндіз жел 15-20 м/с күшейеді. Ақмола, Маңғыстау, Атырау, Батыс-Қазақстан, Қостанай, Солтүстік-Қазақстан, Павлодар облыстарының кей жерлерінде тұман күтіледі.