Қолайсыз метеорологиялық жағдайлары
Ескертулер картасы
Ауа сапасын болжау "SILAM" моделі
Фондық анықтама
Туристік бағдарлар пункттері бойынша ауа райы болжамы
Мемлекеттік климаттық кадастр
Метеорологиялық және гидрологиялық мәліметтер базасы
Ауа сапасы мен жер үсті суларының сапасының интерактивті карталары
Метеорологиялық зерттеулер мен есептеулер басқармасы «Қазгидромет» РМК Ғылыми-зерттеу орталығының қолданбалы міндеттер бойынша жұмыс істейтін, климатты экономиканың әртүрлі салалары үшін ресурс ретінде бағалауды орындайтын ғылыми-өндірістік бөлімшесі болып табылады. Құрылыс және жобалау; жел және гелиоэнергетика; көлік; жылыту және ауа баптау; құрылыстарға түсетін жүктемелер (температура, жел, көктайғақ, аяз және т.б.); биоклимат және денсаулық сақтау мәселелері бойынша климатологиялық ақпаратпен қамтамасыз етеді.
Міндеттері.
* «Қазгидромет» РМК өндірістік бөлімшелеріне метеорология бойынша ғылыми-әдістемелік көмек көрсету;
* Метеорологияда Жерді қашықтықтан зондтау (ЖҚЗ) деректерін қолдану;
* ДМҰ ұсынатын метеорологиялық мониторингтің заманауи әдістемелерін жан-жақты зерттеу және енгізу;
* Гидрометеорологиялық өнім өндірісінің жаңа технологияларын игеру және енгізу;
* Мамандандырылған климаттық сипаттамаларды есептеу бойынша ғылыми-әдістемелік жұмыс;
* Қазақстан аумағын климаттық сипаттамалар бойынша аудандастыру;
* Метеорологиялық параметрлердің кеңістіктік таралу картасын жасау;
* Отандық және шетелдік тәжірибені зерттеу;
* Қазақстанның климаты бойынша ғылыми еңбектер дайындау.
МЗЕБ қызметінің негізгі бағыттары:
* «Қазақстанның қар жамылғысы» онкүндік бюллетенін шығару;
* Экономиканың түрлі салалары тұтынушыларының сұранысы бойынша мамандандырылған климаттық есептеулер;
* ЖҚЗ деректерін пайдалана отырып, аудандық ауқымда ауыл шаруашылығы дақылдарының өнімділігін болжау әдістемесін әзірлеу;
* Қазақстан қалалары бойынша қолайсыз метеорологиялық жағдайларды зерттеу.
Орындалатын жұмыстар:
* Экономиканың түрлі секторларын климаттық ақпаратпен қамтамасыз ету (азаматтық-өнеркәсіптік құрылыс; энергетика, мұнай өнеркәсібі, металлургия, ауыл шаруашылығы және т.б.).
* Бюллетень шеңберінде Қазақстан аумағында қар жамылғысының қалыптасу/жойылу қарқынының маусымдық мониторингі 1 қарашадан бастап онкүндік шолуларға (бюллетеньдерге) жиналатын әртүрлі тәуліктік спутниктік өнімдер базасында жүзеге асырылады. Қар жамылғысының параметрлері бойынша ағымдағы маусымды салыстырмалы бағалау үшін бюллетеньде 2000/2001 жылғы маусымнан бастап ұқсас күнтізбелік мерзімдер бойынша ақпарат келтіріледі.
«Қазақстанның қар жамылғысы» бюллетені
* Солтүстік Қазақстан облысының 13 ауданында дәнді дақылдардың өнімділігін болжау әдістемесін әзірлеу.
Шал ақын ауданы (СҚО) бойынша дәнді дақылдар өнімділігінің болжамды кестесі, 2019 жыл
* МЗЕБ «Қазгидромет» РМК филиалдарының мамандарына оқыту семинарларын өткізеді.
Орындалған жұмыстар:
* 2013-2015 жылдарға арналған «Қазақстан аумағын климаттық жүктемелер бойынша аудандастыру» 025 бюджеттік бағдарламасы.
* Құрылыс нормалары мен ережелеріне сәйкес шаруашылық келісімшарт негізінде есептеулер.
Кадрлық әлеует:
Басқарма қызметкерлерінің Ұлттық гидрометеорологиялық қызмет жүйесінде үлкен ғылыми-практикалық жұмыс тәжірибесі бар. Қызметкерлердің басым бөлігінде «Гидрометеорология» мамандығы бойынша білімі бар. Ұжымда ЖҚЗ жұмыс тәжірибесі бар техника ғылымдарының кандидаты, сондай-ақ Әл-Фараби атындағы ҚазҰУ докторанты жұмыс істейді.
Басқарманың барлық қызметкерлері ГАЖ-технологиялармен жұмыс жасауда сертификатталған және лицензиялық ArcGIS 10.2 БҚ бойынша жұмыс істейді.