Жарияланды 12.04.2020 Өткен аптада «Қазгидромет» РМК жерді қашықтықтан зондтау (ЖҚЗ) және NASA спутниктерінің өңделген суреттері бойынша Қазақстан аумағының қармен қамту алаңы 15%-ға қысқаған.
Сондай-ақ, өткен аптада Ақмола, Қостанай және Солтүстік Қазақстан облыстарының өзен бассейндерінде топырақтың қату тереңдігі 12-60 см-ге азайған. Қарағанды облысының өзен бассейндерінде топырақ толығымен еріген.
Алдағы аптада Қазақстан аумағының басым бөлігіне Атлантикалық және Оңтүстік циклондар әсер етеді, осыған байланысты жауын-шашын, көбінесе жаңбыр жауады, еліміздің оңтүстігі мен оңтүстік-шығысындағы таулы аудандарда арты қарға ұласатын қатты жаңбыр жауады. Осыған байланысты тау бөктеріндегі аудандарда еріген қар суының қалыптасуы және Түркістан, Жамбыл, Алматы және Шығыс Қазақстан облыстарының таулы өзендерінде су деңгейінің артуы күтіледі.
Ақтөбе облысының солтүстік бөлігінде өзендердің мұздан тазартуы және су деңгейінің көтерілуі күтіледі. Сондай-ақ, өзендерде қар жамылғысының еруіне байланысты су деңгейінің артуы Шығыс Қазақстан облысында да болжануда.