Жарияланды 27.08.2021 2021 жылдың 26-27 тамызында Нұр-Сұлтан қ. "Қазгидромет" РМК "ISO 37001:2015 – Сыбайлас жемқорлыққа қарсы іс-қимыл бойынша менеджмент жүйесін енгізу және әзірлеу" халықаралық стандартына сәйкес, сыбайлас жемқорлық тәуекелдерін бағалау бойынша жұмыс жүргізді.
Нәтижесінде, екі күн ішінде "Қазгидромет" РМК ОА-ты мен филиалдарының (Қарағанды, Қызылорда, Атырау облысы) қызметкерлері, әлеуетті сыбайлас жемқорлық тәуекелдерін қалай тану, сондай-ақ бағалау керек екендігі туралы егжей-тегжейлі білді.
Пікір алмасу 2 форматта өтті: онлайн және офлайн. Талқылау барысында нақты кейстік міндеттер үлгісінде, біздің мамандар сыбайлас жемқорлық көріністерінің алдын алу және жолын кесу бойынша қажетті білім мен практикалық дағдыларды алды.
Қазгидрометтің мақсаты — сыбайлас жемқорлықты азайту екенін атап өткіміз келеді. Сондай-ақ, өз кезегінде осының есебінен мемлекеттік басқарудың тиімділігін арттыруды да көздейміз. Осылайша, 2021 жылдың соңына дейін жоспарымызға сәйкес: ISO 37001 стандартын енгізуге және сертификациялаудан өтуге қол жеткізуді нысаналап отырмыз.