Жарияланды 15.09.2021 Құрметті жазылушылар, естеріңізге сала кетсек, осыған дейін біз сіздерді "Қазгидромет" РМК-ның өңірлік филиалдарында жүргізіліп жатқан жаңарту мен жөндеу жұмыстары туралы жарияланымдар циклін бастайтындығымыз жөнінде хабардар еткен болатынбыз.
Осы жолғы сөз қозғалы отырған филиал — Қызылорда облысы бойынша болмақ. Айта кетерлігі, бұл қызмет аймағында 9 метеостанция жұмыс істейді. Оның ішінде 3-еуінде: Арал теңізі, Қазалы, Жосалы МС-ында, өзіндік 100 жылдық тарихы бар. Олардың әрбіреуінде іргелі жөндеу жұмыстары жүргізілді.
Мәселен, Арал теңізінің метеостанциясында:
Сыртқы есіктер ауыстырылды, сырлы кірпіш қаланды
Сантехника ауыстырылды: қолжуғыш, оған құбырлар және араластырғыш
Сыртқы әрлеу жасалды: ағаш карниздері боялды
Тағы да:
Ғимараттың іргетасы сәндік плиткамен безендіріліп, бетон шегі жаңартылды
Қабырғалар мен төбелердің ескі жабыны бөлшектенді
Ішкі есіктер лакпен қапталды
Ернеуліктер ауыстырылды
Кабинеттерде люминесцентті төбе шамдары және сыртқы жарықтандыру шамдары; жылыту жүйесіне арналған сорғы орнатылды; батареялардың жылыту секциялары қосылды
Қазалы МС-ы мен Жосалы МС-на келетін болсақ, онда біз:
Іргетасты тегістеп, цементтедік, сәнді плиткамен әрледік
Қабырғалардың ескі жабынын, сондай-ақ электр жабдықты: электр кабелін, электр қалқанды, автоматтарды, ажыратқыштарды, рәзеткілерді, шырақтарды бөлшектеп, жаңасына алмастырдық
Ескі есіктерді, шатырдағы шиферді ауыстырдық
Еденді линолеум мен еденкемермен жабтық
Ғимараттың төбесіне прожектор орнаттық
Дәлізді майлы бояумен сырладық
Ғимараттың қасбеті панельдермен өңдедік
Металл көпірін монтаждадық
Сонымен қатар, мынадай біршама маңызды істер атқарылды:
2020 жылдың 1 қарашасынан бастап МС Аққұм, автоматты АМС111 ІІ станциясына ауысты.
2020 жылы ақпаратты-техникалық бөлімінің мамандарының күшімен, Шірік-Рабат және Сексеуіл елді мекендеріне АМС111 ІІ автоматты метеорологиялық станциясы орнатылды. Солайша, қазіргі таңда 6 АМС111-ІІ жұмыс жасап тұр.
Ағымдағы жылдың мамыр айында, Шиелі, Әйтеке би, Арал аудандарына 3 дана кіші СКАТ станциясы орнатылды (AQM-09 ауа сапасын бақылау мониторингі станциясы).
Мінеки, осындай үлкен іс тыңдырдық. Және бұнын барлығы өз күшімізбен, үнемделген қаржы есебінен жасалды. Ал келесі жолы, біз сізге Батыс Қазақстан облысы бойынша филиалымызда қандай жұмыстар жүргізгенімізді айтып береміз.