Жарияланды 26.10.2021 25 қазанда "Қазгидромет" РМК ғылыми-зерттеу орталығы метеорологиялық зерттеулер және есептер басқармасының басшысы — Жездібаева Бақыт Төлеубекқызына 50 жыл толды.
Бақыт Төлеубекқызы өзінің еңбек жолын, 1988 жылы Шығыс Қазақстан облысы Ақжар авиаметеостанциясында техник-метеоролог лауазымынан бастады. 1990 жылы біліктілікті арттыру мақсатында Алматы гидрометмектебіне жіберілді. 1992...1998 жылдары Әл-Фараби атындағы ҚазҰУ-де "инженер-метеоролог" мамандығы бойынша оқуын жалғастырды. Университетті ойдағыдай аяқтағаннан кейін, республикалық гидрометеорологиялық қорға 2 санаттағы техник-метеоролог болып жұмысқа қабылданды.
Содан кейін Агрометеорология бөлімінде инженер болып жұмыс істеді. 1998...2003 жылдары 65229 әскери бөлімінің синоптик инженері лауазымында әскери қызмет атқарды. 2009 жылдан бастап "Қазгидромет" РМК метеорология басқармасында жетекші инженер, кейін метеорология департаментінің климатология басқармасының басшысы болып жұмыс істеді. 2021 жылдың тамыз айынан бастап, "Қазгидромет"РМК ғылыми-зерттеу орталығы метеорологиялық зерттеулер және есептеулер басқармасының басшысы болып табылады.
Бақыт Төлеубекқызы бақылау әдістері және оларды өңдеу, нәтижелерді талдау бойынша желілік бөлімшелер үшін әдістемелік жүйелерді, сондай-ақ әдістемелерді әзірлеуге және "қар жамылғысы", "ауа ылғалдылығы", "бұлттылық" атты климаттық анықтамалықтардың бөлімдерін шығаруға белсенді қатысты.
Гидрометқызметте жұмыс істеген жылдары өзін кәсіби, сауатты және жауапты қызметкер ретінде көрсетті. Гидрометеорология, агрометеорология және климатология саласындағы жұмыс дағдысына, деректердің үлкен көлемімен жұмыс істеу қабілетіне ие бола отырып, Қазгидрометтің ғылыми-зерттеу орталығында еңбек етуді жалғастыруда, терең теориялық таным мен практикалық тәжірибені табысты біріктіруде.
Жақсы жұмыс атқарғаны үшін өз қызметінде Бақыт Төлеубекқызы бірнеше рет мақтау қағаздарымен, "Гидрометеорология саласының үздігі" медалімен марапатталған еді.
Ол жұмысқа адал қарау және аналитикалық ойлау сияқты іскерлік қасиеттерге ие. Бақыт кәсіби өсуге ұмтылады: біліктілігін, өз дағдыларын үнемі жетілдіріп отырады. Әріптестерінің арасында өз ісіне талапшыл, сыпайы және шыдамды, жастармен жинақталған тәжірибесімен бөлісетін адам ретінде танылады.
Бақыт Төлеубекқызын мерейтойымен шын жүректен құттықтаймыз! Жаңа мүмкіндіктер мен жаңа жобаларды сәтті жүзеге асыруды, жұмыста шабыт пен сарқылмас оптимизм, отбасында жылулық пен амандық тілейміз!
ІЗГІ ТІЛЕКТЕРМЕН
"ҚАЗГИДРОМЕТ" РМК ҰЖЫМЫ