Жарияланды 16.05.2020 2020 жылғы 15 мамырдағы БАҚ хабарлауынша, Түркістан облысындағы қатты жаңбырдың себебі туралы келесідей айтылған: «Синоптиктердің айтуынша, облыстағы өткінші жаңбыр – бұл Өзбекстандағы бөгеттің бұзылуының салдары. Бөгеттің бұзылуы салдарынан Түркістан облысының аймағына көп мөлшерде су таралған. Осыған байланысты қазір осы аймақта қатты булану басталған. Ал бұл өткінші жаңбырға әкелді». Дереккөзі КТК телеарнасы «Қазгидромет» РМК мамандарына сілтеме жасай отырып.
«Қазгидромет» бұл ақпарат дұрыс емес, 2020 жылдың мамыр айында Түркістан облысы бойынша өткінші жаңбыр синоптикалық процестердің жылдам ауысуына байланысты болғандығын хабарлайды. Жылы ауа массаларының суыққа ауысуы процестердің ушығуына алып келіп, өткінші жаңбырдың болуын тудырған. Оңтүстіктің тау бөктеріндегі және таулы аудандарында мол жауын-шашынның түсуі сияқты құбылыстар сәуір мен мамыр айларына тән құбылыс. 2020 жылғы 3, 5, 6 және 13-14 мамырларда Қазгидромет күтіліп отырған қатты жауын-шашын туралы болжап, дауылды ескерту шығарған болатындығы туралы хабарлайды.