Жарияланды 08.12.2021 03-08, сондай-ақ 16-20 қараша аралығында республиканың аумағында Солтүстік теңіздердің аудандарынан келген суық ауа массаларының ағыны, жаңа температуралық жазбаларға алып келді, көпжылдық минимумдар жабылды. Айдың бірінші онкүндігінде Қазақстанның басым бөлігінде түнгі ауа температурасы -10-18°С құрап, шығыста -18-26°С, оңтүстікте -3-9°С дейін төмендеді. Мәселен, 04 қарашада Риддер метеорологиялық станциясында (Шығыс Қазақстан облысы) ең төменгі ауа температурасы -26,3°С тіркелді, осылайша 1989 жылғы рекорд (-19,6°С) жабылды.
Суықтың тағы бір толқыны, екінші онкүндіктің екінші жартысына тура келді. ҚР солтүстік жартысында ауа температурасы -17-28°С дейін, оңтүстікте -6-15°С дейін төмендеді. Осылайша Мұғалжар метеостанциясында (Ақтөбе облысы) 17 қарашаның түнгі сағаттарында -18,1°С тіркелді. Нәтижесінде осы күннің алдыңғы рекорды жаңартылды (1993 ж. -17,6°С).
Сондай-ақ қарашаның жекелеген күндерінде, Жерорта теңізі мен Орта Азия аудандарының оңтүстік-батысындағы жылы ауа массаларының шығарылуымен, Қазақстанның солтүстігінде, солтүстік-батысында және шығысында тіркелген ең жоғары ауа температурасының рекорды жаңартылды. Мәселен, Қарабұтақ метеостанциясында (Ақтөбе облысы) 9 қараша күні күндіз ауа температурасы +8,8°С құрады, бұл осы күннің алдыңғы рекордын жаңартты, айта кетсек ол 1981 жылы +8,0°С құрады. Сондай-ақ Өскеменде (Шығыс Қазақстан облысы) 25 қараша күні күндізгі ауа температурасы +12,0°С құрады, бұл көрсеткіш осы күннің алдыңғы рекордынан асып түсті (1973 ж. +8,0°С).
Қараша айында температура рекордтарынан басқа, қатты жел, боран, шаңды дауыл, тұман, көктайғақ, қатты қар сияқты басқа да қолайсыз ауа райы жағдайлары байқалды. Бір ай ішінде республика бойынша жел 15-28 м/с күшейіп, ал жекелеген аудандарда апатты гидрометеорологиялық құбылыстардың (АГҚ) өлшемдеріне жетті. Достық, Жалаңашкөл, Бақанас (Алматы облысы), Тараз, Шоқпар (Жамбыл облысы), Тасты (Түркістан облысы), Балқаш (Қарағанды облысы), Жарма (Шығыс Қазақстан облысы) метеорологиялық станцияларында желдің жылдамдығы 30-43 м/с құрады.
26 қарашада шуылдақ метеорологиялық станциясында (Түркістан облысы) атмосфералық фронттардың шиеленісуімен, 37,6 мм — өте қатты қар жауды, онкүндіктің нормасы 23 мм құрады.
Елорда Нұр-Сұлтан қаласында 2021 жылдың 9 қарашасында ең жоғары ауа температурасы — +7,5°С, ал 19 қарашада ең төмен ауа температурасы — -22,6°С тіркелді. Бір айда түскен жауын-шашын мөлшері 51,5 мм (нормадан 184%) құрады. 24 қарашада күндіз және 25 қарашада түнде айлық жауын-шашын нормасына қол жеткізілді, осындай жағдай соңғы рет 2019 жылғы қарашада болған еді.