Жарияланды 17.12.2021 Қазақстанның көптеген аймақтарында тұрақсыз ауа райы күтіледі. Бұған Солтүстік-батыс циклонының қуысымен байланысты атмосфералық фронтальды бөліктердің өтуі себеп болады. Жауын-шашын, көбінесе қар түрінде жауады, сонымен қатар көктайғақ, тұман, екпінді жел, солтүстікте бұрқасын болжанады.
Батыста ауа температурасы түнде 5 аяз-2 жылу, күндіз 3 аяз-5 жылу, солтүстік-батыста ауа температурасы түнде 0-5 аяз, күндіз 3 аяз-2 жылу, республиканың солтүстігінде және орталығында түнде 1-13 аяз, күндіз 0-8 аяз, шығыста ауа температурасы түнде 5-15-тен 0-10 аязға дейін, күндіз 0-10 аяз, еліміздің оңтүстік және оңтүстік-шығысында түнде 5 аяз-2 жылу, күндіз 2-13 жылу болады.