Солтүстік-Еуразиялық климаттық орталық (СЕАКО) онлайн-режимде 2020 жылғы 19-20 мамыр аралығында ТМД гидрометеорологиялық қызметтерінің арасында маусымдық болжамдар (СЕАКОФ) бойынша Он сегізінші климаттық форум өткізді.
Онлайн-форумның бірінші күні СЕАКО жетекші мамандарының баяндамаларына арналды, кейін форум Бағдарламаларының мәселелері зерделенді.
Екінші күні мамандар 2019 жылғы Форумның нәтижелерін талқылады, сондай-ақ ағымдағы жылдың алдағы жазында күтілетін метеорологиялық жағдайлар бойынша ТМД елдерінің гидрометеорологиялық қызметі өкілдерінің қысқаша хабарламаларын тыңдады.
«Қазгидромет» РМК Ұзақ мерзімді ауа райы болжамдары басқармасының мамандары «2019-2020жж. қысқы кезеңнің болжамы мен фактісі» және «Қазақстан Республикасының аумағы бойынша 2020 жылғы жазғы кезеңге арналған болжам» тақырыбында баяндама оқыды.
Екі күндік онлайн-форум жұмысының негізгі қорытындысы Солтүстік Еуразия аумағы бойынша 2020 жылдың алдағы жазғы маусымына келісілген болжам жасау болды.
