Қазақстанның солтүстік жартысында қар жауады

Алдағы үш тәулікте, Қазақстан аумағының оңтүстік жартысы әлі де ауқымды антициклонның ықпалында болады, онымен жауын-шашынсыз ауа райы сақталады. Алайда, елдің солтүстік жартысына фронтальді бөлімдер әсер етеді — қар жауады, боран соғады, жел 15-23 м/с дейін күшейеді, республика бойынша тұман және көктайғақ күтіледі. Еліміздің солтүстігі мен орталығында түнде 5-20 градус аяз, шығысында 10-29 градус аяз, оңтүстігінде 5 аяздан 5 градусқа дейін жылу, батысында 0-10 градус аяз болады.