"Қазгидромет" РМК қабырғасында ҚР экология, геология және табиғи ресурстар вице-министрі — Серік Қожаниязов пен Швеция елшісі — Матес Фойердің кездесуі өтті. Кездесуге Швецияның Лунд мемлекеттік университетінің ("Lund University"), "Қазгидромет" РМК мен "Қазсушар" РМК-ның және Қазақстанның жетекші жоғары оқу орындарының өкілдері қатысты.
Шетелдік тараптың бағдарламасы Лунд университетінің презентациясын, Қазақстан мен Швецияның оқу орындары арасындағы ынтымақтастықты талқылауды, сондай-ақ "Қазгидромет" РМК қызметімен танысуды қамтыды. ҚР ЭГТРМ вице-министрі Серік Қожаниязов өз сөзінде екі елдің қызметкерлердің біліктілігін арттыру саласындағы өзара іс-қимылын ерекше атап өтті.
