Жарияланды 02.06.2022 1 маусым күні Қазгидрометтің қабырғасында, Аманат партиясы "Бірлік" филиалының "Табиғат" БПҰ отырысы өтті, оған ҚР Парламенті Мәжілісінің депутаты — Саясат Нұрбек және балалар құқықтары жөніндегі омбудсмен, Нұр-Сұлтан қаласы әкімінің штаттан тыс кеңесшісі — Әсима Бимендина қатысты. Қонақтар, 2022 жылғы 5 маусымда өтетін, Қазақстан Республикасының Конституциясына енгізілетін түзетулер бойынша республикалық референдум туралы түсінік берді.
Отырысқа қатысушылар – Қазақстанның ұлттық гидрометеорологиялық қызметінің қызметкерлері, "Аманат" партиясы "Бірлік" филиалының "Табиғат" бастауыш партия ұйымы төрағасының орынбасарын сайлады. Ол, Қазгидрометтің сыбайлас жемқорлыққа қарсы комплаенс қызметінің офицері — Нұржан Шияп. Отырыс соңында, "Табиғат" БПҰ-на жаңадан қосылған мүшелерге партиялық билеттер табыс етілді.