Алдағы үш тәулікте еліміздің басым бөлігінде Солтүстік циклон шұңқырының өтуімен тұрақсыз ауа райы сақталады – найзағай, дауыл, желдің күшеюі күтіледі, бұршақ жаууы мүмкін. 23-24 маусымда республиканың оңтүстік-шығысында, 25 маусымда солтүстігінде, солтүстік-батысында қатты жаңбыр жауады. 23 маусым күні күндіз, Атырау облысының оңтүстігінде, 23-24 маусым Ақтөбе облысының оңтүстігінде, 24 маусым Қостанай облысының оңтүстігінде, 23-25 маусым Қарағанды облысының оңтүстігінде өте қатты ыстық болады деп болжануда – температура 40 градусқа дейін көтеріледі. 24-25 маусым Қызылорда облысының оңтүстігінде, 25 маусым Түркістан облысының шөлді аудандарында өте қатты ыстық болады – 45 градус, 25 маусым Жамбыл облысының оңтүстігінде өте қатты жылу күтіледі — 43 градус.
