Жарияланды 27.06.2022 "Қазгидромет" шілде айына арналған құрғақшылықтың алдын ала болжамын шығарды. Статистикалық болжамға сәйкес, Ақтөбе облысының Айтеби, Қызылорда облысының Қармақшы және Қазалы аудандарында жауын-шашын тапшылығы күтілуде.
Алматы облысының Кербұлақ ауданында және Қонаев қаласында орташа ылғалды жағдай болжанады.
Шілде айындағы құрғақшылықтың болжамы айдың бірінші онкүндігінде нақтыланатын болады.
Барлық болжамдар ҚР Ауыл шаруашылығы министрлігіне тұрақты түрде ұсынылуда, сондай-ақ арнайы қосымшамызда жарияланады (www.agrodata.kz).