Таяудағы үш тәулікте Қазақстанның басым бөлігі жоғары атмосфералық қысым алқабы ықпалында болады, сондықтан жауын-шашынсыз ауа райы күтіледі. Атлантикалық циклон жырасымен тек еліміздің солтүстік және шығыс өңірлерінде қар, бұрқасын және жел күшейеді, 24 желтоқсанда күндіз республиканың солтүстігінде көктайғақ болады. Еліміздің оңтүстігі мен оңтүстік-шығысында тұман болжанады. Ауа температурасы түнде батыста 3-8 аяздан 8-13 аязға дейін, солтүстік, солтүстік-батыс және орталықта 5-13 аяздан 10-25 аязға дейін төмендейді, шығыста 15-23 аяздан 10-18 аязға дейін ауытқиды, оңтүстік және оңтүстік-шығыста 5-25 аяздан 0-15 аязға дейін біртіндеп жоғарылайды.
