2022 жылы Ұлттық гидрометеорологиялық қызметтің жерүсті бақылау желісін жаңғырту жұмыстары жүргізілді.
* 14 метеорологиялық станция мен 2 аэрологиялық станцияға (Алматы АЭ, Павлодар АЭ) жөндеу жұмыстары жүргізіліп, Атбасар метеостанциясы үшін электр беру желісі салынды.
* Ақтөбе облысының 6 метеостанциясы газдандырылып, 5 станцияның жылу жүйесіне жөндеу жұмыстары жүргізілді, сондай-ақ 6 метеостанция орталық сумен жабдықтауға қосылды.
* Солтүстік Қазақстан облысы бойынша филиалдың 2 химиялық зертханасы (Павлодар, Ақтөбе) мен әкімшілік ғимаратына жөндеу жұмыстары жүргізілді.
* Ақтөбе облысы бойынша филиалдың әкімшілік ғимаратына күрделі жөндеу жұмыстарын жүргізу аяқталды.
* Астана қаласының әкімшілік ғимаратындағы үй-жайды тексеру зертханасы етіп реконструкциялау аяқталуда.
* 3 гидрологиялық бекет жөндеуден өтіп, 2 өткел салынды.
* Гидрологиялық желіні жаңғырту бағдарламасы әзірленді.
* 1856-1997 жылдар кезеңіндегі гидрометеорологиялық деректердің 28 мың бірлік қағаз мұрағаты цифрландырылды, бұл цифрландыруды қажет ететін барлық материалдың 20%-нан астам көлемін құрайды.
