Жарияланды 27.02.2023 Алдағы үш күнде еліміздің көп бөлігінде жылу мен ылғалдың мол қоры бар Атлантикалық циклон жауын-шашын мен қар, көктайғақ, тұман, екпінді жел, республиканың солтүстік-батысында және солтүстігінде боранмен қатты жауын-шашын тудырады. Тек оңтүстік-шығыста, 28 ақпан - 01 наурыз аралығында еліміздің шығысында жоғары атмосфералық қысым алқабының әсерінен ауа-райы жауын-шашынсыз сақталады. ҚР басым бөлігінде ауа температурасының біртіндеп жоғарылауы болжанады. Термометрлердің бағандары тәуліктің күндізгі уақытында ҚР солтүстік жартысында 3-5 градус жылы, ал оңтүстік жартысында ауа температурасы 15-20 градусқа дейін жоғарылайды, тек республиканың батысы мен солтүстік-батысында күндіз ауа температурасы 0-10 аязға дейін біртіндеп төмендеуі күтіледі.