Еліміздің көп бөлігіне белсенді фронтальды бөлімдері бар оңтүстік циклон әсер етеді, осыған байланысты тұрақсыз ауа-райы күтіледі, жаңбыр жауады, еліміздің солтүстік жартысында жаңбыр мен қар түрінде жауын-шашын болады. 31 наурыз – 1 сәуір батыста қатты жаңбыр жауады, шығыста және оңтүстікте 30-31 наурызда, еліміздің оңтүстік - шығысында 30 наурыз-1 сәуірде жаңбыр мен қар түрінде қатты жауын-шашын болады деп күтілуде. 31 наурыздан бастап солтүстік-батыс антициклонының енуімен солтүстік жартысында жауын-шашынның тоқтауы және республиканың көп бөлігінде ауа температурасының төмендеуі болжануда.
Батыста ауа температурасы түнде 2-7 жылы, күндіз 7-15 жылыға дейін, солтүстікте, солтүстік-батыста және еліміздің орталығында температура фоны түнде 7-13 аяз, күндіз 2 аяз -3 жылы болжанады, шығыста түнде 10-22 аязға дейін, күндіз 5 аяз - 3 жылыға дейін, оңтүстік өңірлерде түнде 0-5, күндіз 3-13 жылыға дейін төмендеуі болжанады.
