2023 жылғы вегетациялық кезеңге Қазақстан Республикасының таулы өзендеріне арналған гидрологиялық болжам

Таулы өзендер үшін (Қазақстанның оңтүстігі, оңтүстік-шығысы, шығысы) 2022 жылдың 1 қазанынан 2023 жылдың 1 сәуіріне дейінгі ылғалдың жиналу кезеңіне түсетін жауын-шашын мөлшері болашақтағы судың негізгі көрсеткіші болып табылады.

Қазақстан Республикасының таулы аумақтарында шағын аумақтардағы жер бедерінің биіктігі 500 м-ден 5000 м-ге дейін өзгереді. Тиісінше, таулы жерлердегі қар жамылғысы біркелкі емес және ол тау сілемінің орналасуына байланысты. Бұл жағдайларда жер бедерінің биіктігі 200 м-ден 500 м-ге дейін өзгеретін ҚР жазық аумағында орналасқан өзендерден айырмашылығы, қар жамылғысындағы ылғал қорының көлемін млн. м3 есептеу мүмкін емес.

2023 жылдың 1 сәуірдегі жағдайына сәйкес, ҚР-ның таулы аумақтарындағы қармен басқан алаңдар ЖҚЗ түсірілімдерінің мәліметтері бойынша:

•  Жамбыл облысы - 1%;
•  Түркістан облысы - 2%;
•  Алматы облысы - 11%;
•  Жетісу облысы - 13%;
•  Абай облысы - 42%.
•  Шығыс Қазақстан облысы - 65%.