Жарияланды 28.04.2023 2023 жылғы 28 сәуірде Л. Гумилев атындағы Еуразия ұлттық университетінде жыл сайынғы бос жұмыс орындары жәрмеңкесі өтті. Іс-шараның негізгі мақсаты - ЖОО түлектерін жұмысқа орналастыруға жәрдемдесу. «Қазгидромет» РМК - елорданың ірі жоғары оқу орнының осы бағыттағы тұрақты серіктесі болып табылады. Қазақстанның Ұлттық гидрометеорологиялық қызметінде ЕҰУ-дың 100-ден астам түлегі жұмыс істейді, олар - экологтар, гидрологтар, IT-мамандары, экономистер және қаржыгерлер. «Қазгидромет» РМК - тәжірибесі жоқ жас мамандар үшін таңдалған мамандық бойынша практикалық білім беретін тамаша мектеп. Сонымен қатар, «Қазгидромет» РМК-нің еліміздің барлық өңірлерінде
15 филиалы бар, бұл көптеген түлектерге өз облыстарында, үйіне жақын жерде жұмыс тауып алуға мүмкіндік тудырады.