Қазгидромет оқушыларға экскурсия өткізді

Оқудың соңғы күндері Қазақстанның ұлттық гидрометеорологиялық қызметіне елордалық "Intellectual generation" мектебінің оқушылары экскурсияға келді.

Жоғары сынып оқушылары Қазақстан географиясын және еліміздің климатының өзгеруі мәселелерін зерттеп, шығармашылық емтихан тапсырады. Қазгидромет гидрометорталығына бару оларға кәсіби дағдыларын арттыру және теориялық білімдерін толықтыру мүмкіндігін береді. Балалар мұражайды қызыға тамашалап, синоптиктер мен метеорологтардың жұмысымен танысты.