Қазгидромет Арменияның гидрометқызметімен ынтымақтастық туралы меморандумға қол қояды

Швейцарияның Женева қаласында өтіп жатқан XIX Дүниежүзілік метеорологиялық конгрестің аясында Қазақстанның Ұлттық гидрометеорологиялық қызметінің делегаттары Арменияның Ұлттық гидрометеорологиялық қызметінің өкілдерімен кездесу өткізді. Тараптар агрометеорология, гидрология саласындағы екіжақты ынтымақтастықтың мүмкіндіктерін және климаттың өзгеруі жөніндегі мәселелерді талқылады. Кездесудің қорытындысы бойынша меморандумға қол қою туралы екі қызметтің арасындағы уағдаластыққа қол жеткізілді.