Жарияланды 10.07.2020
Каспий теңізінің алғашқы жазбалары Ассирияның астанасы Ниневия қазба жұмыстары кезінде табылған ежелгі сазды тақтайшаларда (б.з.д. IX ғ.) кездеседі. Каспий өзінің заманауи атауын ежелгі тайпалардың — б.э.д. II мыңжылдықта теңізге жақын Кура өзенінің оң жағалауында мекендеген каспийлердің атымен алды.
Каспий теңізі — планетадағы ең ірі су қоймасы. Каспий теңізінің жағалау сызығының ұзындығы 5970 км құрайды, оның 2320 км Қазақстанға тиесілі. Жабық су қоймасы ретінде Каспий теңізінің деңгейі айтарлықтай ұзақ мерзімді, жыл сайынғы және маусымдық ауытқуларға ұшырайды.
«Қазгидромет» РМК апта сайын Каспий теңізінің деңгейіне болжам жасайды. 9-14 шілдеде Каспий теңізінің солтүстік бөлігінде деңгейдің ауытқуы ең жоғарғы белгі минус 27,77 м дейін көтеріліп және ең төменгі белгі минус 28,36 м дейін төмендеп, минус 28,03 м белгісі шамасында болады деп күтіледі.
Каспий теңізінің ортаңғы бөлігінде теңіз деңгейінің ауытқуы ең жоғарғы белгі минус 27,87м дейін көтеріліп және ең төменгі белгі минус 28,41 м дейін төмендеп, минус 28,13 м белгісі шамасында болады деп күтіледі.
2020 жылғы 2-07 шілде кезеңіндегі Каспий теңізінің су бетінің нақты жай-күйі өткен аптаның болжамына сәйкес келеді.
Каспий теңізі деңгейінің ауытқуын бақылау Қазгидромет: Форт-Шевченко, Ақтау, Фетисово және Росгидромет (Махачкала MГ) теңіз станциялары мен бекеттерінің жедел деректері бойынша жүргізіледі.
Ең ірі тұйық су айдынының визуалды жағалау сызығы 2020 жылғы 6 шілдедегі ғарыштық суретте көрсетілген. «NASA» жобасының суреті. Каспий теңізі бойынша барлық ақпарат «Қазгидромет» РМК-ның https://www.kazhydromet.kz/kaspiyskoe-more/ezhenedelnyy-obzor-sostoyaniya-poverhnosti-kaspiyskogo-morya сайтында ұсынылған.