«Қазгидромет» РМК болжамына сәйкес маусым айында Қазақстанның басым аймағында ылғалдану жағдайы көбінесе нормаға жуық болады деп күтілуде.
Сонымен қатар, солтүстік-батыстың жеке аудандарында, елдің оңтүстігінде, сондай-ақ солтүстікте және орталықта бірқалыпты құрғақшылық аймақтары күтіледі.
Бірқалыпты құрғақшылық күтіледі
Ақтөбе облысының Әйтеке би, Ырғыз және Хромтау аудандарында,
Қостанай облысының Амангелді және Жангелдин аудандарында,
Қызылорда облысы Қармақшы ауданында,
сондай-ақ Ақмола облысының Жақсы ауданында және Қарағанды облысының Шет ауданында.
Барлық агрометеорологиялық болжамдар ҚР АШМ ұсынылады, www.agrodata.kz қосымшасында және «Қазгидромет» РМК ресми сайтында жарияланады.
