Жарияланды 05.07.2023 ҚР Экология және табиғи ресурстар министрлігінің вице-министрі
Досбол Бекмағамбетов 2023 жылғы 4 шілдеде «Қазгидромет» РМК-нің Қарағанды және Ұлытау облыстары бойынша филиалына барған жұмыс сапары барысында Ұлттық гидрометеорологиялық қызметтің экологиялық мониторингке жататын бірқатар нысандарын аралады.
Досбол Боташұлы Шашубай кентінде орналасқан «Балқаш» метеорологиялық станциясында, атмосфералық ауаның ластануын бақылайтын үш бекетте (ЛББ), гидрологиялық бекеттерде және Балқаш қаласы қоршаған ортасының ластану жағдайын бақылайтын кешенді зертханада болды.