Білім беру орталығының оқушылары оқу жылын Қазақстанның Ұлттық гидрометеорологиялық қызметінің мұражайына барудан бастады. «EcoEducation» - елордадағы экологиялық білім беретін жалғыз орталық және ол өз жұмысы аясында оқушылар үшін «Балаларға арналған экология» тақырыбында курстар ұйымдастырады. Өскелең ұрпаққа экологиялық тәрбие беру мақсатында орталық Ауа райы қызметінің мұражайына экскурсиялар ұйымдастыру бойынша «Қазгидромет» РМК-мен меморандумға қол қойды.
Балалар Қазақстанның гидрометеорологиялық қызметінің ғасырлық даму тарихын қамтыған Қазгидрометтің тұрақты экспозициясына барып, ауа райы болжамдарының қалай жазылатыны туралы сұрақтар қойды.
