Жарияланды 13.09.2023 Кезең ішінде республиканың басым бөлігінде әлі де тұрақсыз ауа-райы сақталады, найзағай мен екпінді желмен жаңбыр жауады. Бүкіл кезең шығыста, 14-15 қыркүйекте солтүстікте, 15-16 қыркүйекте батыста, 16 қыркүйекте еліміздің солтүстік-батысында қатты жаңбыр күтіледі, бүкіл кезең республиканың оңтүстік-шығысындағы таулы аймақтарда түнгі уақытта жауын-шашын жаңбыр мен қар түрінде болады деп болжануда. Температуралық фонда айтарлықтай өзгерістер күтілмейді. Қазақстанның солтүстік жартысында ауа температурасы түнде 3-10, күндіз 13-20, оңтүстік жартысында түнде 7-15, күндіз 18-25 жылы күтіледі.