Жарияланды 06.10.2023 Алдағы күндері республиканың басым бөлігінде синоптикалық жағдай фронтальды бөлімдердің ықпалымен қалыптасатын болады: найзағаймен және екпінді желмен жаңбыр жауады, Қазақстанның батысында бұршақ жаууы мүмкін, елдің оңтүстік-шығысындағы таулы аудандарда түнгі уақытта жаңбыр мен ылғалды қар түрінде жауын-шашын болжанады. Елдің солтүстік-батысында, солтүстігінде, шығысында түнгі және таңертеңгі сағаттарда тұман болады деп болжануда.
Елдің көптеген аймақтарында ауа температурасы түнде 2-12 градус жылы, 07 қазанда солтүстікте жекелеген аудандарда 1 градусқа дейін үсік сақталады, күндіз солтүстік жартысында 10-20, оңтүстік жартысында – 15-27 градус жылы болады.