«AirKZ» № 8 бекеті жұмыс істеді

«Қазгидромет» РМК елорда тұрғындарын, AirKZ мобильді қосымшасын пайдаланушыларды № 8 атмосфералық ауаның ластануын бақылау бекетінің жұмыс жасап тұрғаны туралы хабардар етеді. Бекет Көктал-1 ауданында Бабатайұлы көшесі, 24 үйде, № 40 мектеп аумағында орналасқан.

Бұған дейін хабарлағандай, электр кабелі зақымдалу себебінен бекет тоқтан ажыратылып, өлшеу бойынша деректердің келіп түсуі тоқтатылған болатын. Қазіргі уақытта техникалық жұмыстар аяқталып, ақаулар жойылып, бекет жөнделді.