Жарияланды 26.07.2020 Бұған дейін хабарланғандай, Instagram желісінде Шығыс қазақстан облысы Алакөл көлінің Аралтөбе аралында үйректің өлімі туралы бейне жариялануына байланысты, 2020 жылдың 20 шілдесінде «Қазгидромет» РМК филиалының зертхана мамандары Алакөл көлінің 2 нүктесінен сынама алуды жүргізді.
Су сапасын талдау 44 физикалық-химиялық көрсеткіш бойынша орындалды, оның ішінде басты иондар, биогенді, органикалық және бейорганикалық заттар, ауыр металдар.
Алакөл көлінің су сынамаларын талдау нәтижелері бойынша: судың температурасы 27-28,6 ºС шегінде, сутегі көрсеткіші – 8,29-8,97, еріген оттегі – 7,55-7,67 мг/дм3, мөлдірлігі – 19-30 см, түсі – 9-17 градус, иісі – 0 балл, табиғи суға тән емес иіс табылмады. 5 тәулік ішінде оттегіні биохимиялық тұтыну нәтижелері норма шегінде (1,13-2,53 мг/дм3) болды. Гидрохимиялық көрсеткіштерден шекті нормадан асып кетуі «Қабанбай ауылы» нүктесінде магний бойынша – 316 мг/дм3, хлоридтер бойынша – 748 мг/дм3, минералдану бойынша – 4946 мг/дм3 анықталды. Басты иондардың және минералдандырудың жоғары концентрациясы су айдынының табиғи аясына тән және халықтың денсаулығына қауіпті емес, өйткені Алакөл көлі тұзды ағынсыз көл болып табылады.