2024 жылдың 22 қаңтары күні "Қазгидромет" РМК мұражайы мен гидрометорталығына Астана қаласы Халықаралық мектебінің оқушылары келді. Балалар "Полярлық экспедиция" тақырыбы бойынша 5-сыныптар арасында өтетін "PYP Exhibition-2024" көрмесіне қатысуға дайындалуда.
Оқушылар көрмеге ғылыми жұмыс дайындау үшін біздің аймақтың климаты мен қатаң ауа-райы жағдайын зерттеп жатыр. Балалар сауалнама жүргізіп, синоптиктерге дауылды ескертудің қалай шығарылатыны және Қазақстанның Ұлттық гидрометеорологиялық қызметінің мамандары суық мезгілде қауіпті құбылыстарды қандай өлшемдер бойынша бағалайтыны туралы сұрақтар қойды.
