Елордалық №53 мектептің 4-сынып оқушылары Қазақстанның Ұлттық гидрометеорологиялық қызметінің мұражайы мен Гидрометорталығына келді.
"Зерек" сыныбының оқушылары Қазақстанның барлық ерекше табиғи құбылыстары мен климатына қызығушылық танытуы себепті "Қазгидромет" РМК-ге экскурсияға келу туралы шешім қабылдаған.
Ауа-райы қызметінің мамандары балаларға ауа-райы болжамдарының қалай жазылатынын көрсетіп, заманауи және тарихи құрылғылармен таныстырды, сондай-ақ өз кәсіпорнының жүз жылдық тарихы туралы айтып берді.
