Қазақстанның ұлттық гидрометеорологиялық қызметі кәсіби мереке -Дүниежүзілік метеорологиялық күнге орай ұйымдастырылған балалар суреті байқауының қорытындысын шығарды.
Метеорологтар күнінің 2024 жылғы тақырыбы – «Климаттың өзгеруіне қарсы күрестің алдыңғы шебінде». «Қазгидромет» РМК қызметкерлерінің балалары мен немерелері байқауға ұсынған жұмыстарында климатты қорғауды өз пайымдауларына сәйкес бейнелеп көрсетті.
Байқаудың жеңімпаздары мен жүлдегерлері: Нұрсұлтан Дария – 1 - орын, Думанқызы Жаңыл – 2-орын, Талғатов Диас - 3-орын.
Номинанттардан басқа барлық қатысушыларға «Қазгидромет» РМК басшылығы атынан алғыс хаттар берілді.
