2024 жылдың 30 сәуірі күні II ӨҚ гидрология жөніндегі консультанттарының 7-ші форумы өтті. Кездесу онлайн форматта ұйымдастырылды. Форумға қатысушылар жақында өткен кездесудің нәтижелерін талқылап, алдағы мәселелер мен оларды шешу жолдарын белгіледі. Жаңартылған ақпараттан басқа, форумда II ӨҚ елдеріне ерекше назар аудара отырып, Дүниежүзілік метеорологиялық ұйым (ДМҰ) шеңберінде су тасқынын болжау және басқару саласындағы негізгі бастамалармен таныстырылды.
Форумды ұйымдастырушылар сонымен қатар Қазақстанның Ұлттық гидрометеорологиялық қызметі мамандарынан қолданыстағы бағдарламалар мен жобаларға қатысты өңірлік сараптамалық қолдау көрсетуді сұрады.
Форумның нәтижелері бойынша жұмыс жоспарын әзірлеу және оны сарапшылардың маусым айындағы кездесуінде талқылау туралы шешім қабылданды.
