2024 жылғы 31 мамырда «AMANAT» партиясының партиялық бақылау комитетінің отырысы өтті. Отырыстың күн тәртібіндегі негізгі мәселе: «Партия мүшелерінің - орталық және жергілікті мемлекеттік орган лауазымды тұлғаларының өрт қаупі жоғары кезеңге дайындық бойынша қызметі туралы» болды.
«Қазгидромет» РМК өрт қаупі жоғары маусымның басынан бастап өрт қаупі болжамын шығаруда, ол https://www.kazhydromet.kz/ru/fire/prognoz-pozharnoy-opasnosti-2 сілтемесі бойынша қолжетімді.
Өрт қаупі жоғары маусым қар жамылғысы еріген сәттен бастап тұрақты жаңбырлы ауа-райы басталғанға немесе қар жамылғысы пайда болғанға дейін жалғасады, яғни 15 сәуір - 15 қазан аралығында өрт қаупі болжамы шығарылады.
Қазақстанның әрбір облысы бойынша өрт қаупі сыныбы көрсетілген өрт қаупі болжамы Күнделікті гидрометеорологиялық бюллетеньде (https://www.kazhydromet.kz/ru/gidrologiya/konsultativnyy-prognoz-pogody-na-sezon) жарияланады.
