Жарияланды 12.08.2020 2020 жылдың тамыз айынан бастап Атырау қаласының LED экрандарында «Қазгидромет» РМК бақылау желісінен атмосфералық ауаның жай-күйі туралы ақпарат таратыла бастады.
Атмосфералық ауаның сапасы туралы ақпаратты қазірдің өзінде Павлодар, Екібастұз, Петропавл, Ақтау, Орал, Қостанай, Талдықорған және Алматы қалаларының LED экрандарынан көруге болады.
Ауа сапасының жай-күйі туралы деректер «Қазгидромет» РМК бақылау желісінің датчиктерінен автоматты түрде қалалардың экрандарына таратылады. Ақпарат сағат сайын жаңартылып отырады және ауа жай-күйінің негізгі көрсеткіштері: Қазақстанның 45 елді мекені бойынша РМ 10, PM 2,5 қалқыма бөлшектері, күкірт диоксиді, азот диоксиді, азот оксиді, көміртегі оксиді, күкіртсутегі бойынша деректерді қамтиды.
Сондай-ақ, Нұр-Cұлтан, Шымкент, Қызылорда, Қарағанды, Тараз, Ақтөбе, Көкшетау және Өскемен қалаларының LED экрандарында атмосфералық ауаның жай-күйі туралы ақпаратты іске қосу жоспарлануда.