Жарияланды 02.10.2024 2024 жылғы 1-2 қазанда «Қазгидромет» РМК Сыбайлас жемқорлыққа қарсы комплаенс қызметі өз қызметкерлері үшін «Сыбайлас жемқорлық тәуекелдеріне ішкі талдау жүргізу» тақырыбында оқыту семинарын ұйымдастырды. Қазақстанның Ұлттық гидрометеорологиялық қызметінің қызметкерлеріне арналған курсты Оқу орталығының мамандары - Айпара Әдібай және Ерлаз Жайық жүргізіп жатыр.
Оқыту аясында мынадай тақырыптар қарастырылады:
- Сыбайлас жемқорлық тәуекелдеріне ішкі талдау жүргізудің негізгі мақсаттары мен міндеттерін түсіну;
- Сыбайлас жемқорлық тәуекелдерінің деңгейін бағалау әдістері;
- Ұйымның сыбайлас жемқорлық тәуекелдері картасын құру;
- Тәуекелдерді азайту бойынша нақты ұсынымдар әзірлеу;
- Мақсатты іс-қимыл жоспарларын құру;
- Қабылданған шаралардың тиімділігін бағалау.
Осындай оқыту семинарлары мемлекеттік ұйымдардың жұмысын жетілдіруге және олардың жұмысындағы сыбайлас жемқорлық тәуекелдерін барынша азайтуға көмектеседі.