Қазақстанның Ұлттық гидрометеорологиялық қызметінің мамандары 2024 жылдың 25-27 қарашасы аралығында «ISO 31000 негізінде тәуекелдерді басқару жөніндегі сертификатталған менеджер» атты онлайн форматындағы семинардан өтуде.
ISO 31000 - әртүрлі ұйымдардағы тәуекелдерді анықтау, талдау және азайту үшін практикалық нұсқаулар берілетін, тәуекелдерді басқарудың халықаралық стандарты.
Семинар бағдарламасы мыналарды қамтиды:
- Тәуекелдерді басқаруға кіріспе: тұжырымдамалар мен терминдер;
- ISO 31000 стандартына шолу: құрылымы, қағидаттары және процесс;
- Тәуекелдерді анықтау және бағалау әдістері;
- Тәуекелдерді басқару стратегиясын әзірлеу;
- Практикалық мысалдар мен кейстер;
- Сертификат беру үшін қорытынды тестілеу өткізу.
Семинарды ойдағыдай аяқтап, емтихандарды тапсырғаннан кейін қатысушылар "Certified Risk Manager based on ISO 31000" халықаралық сертификатын алады.
