Атмосфералық ауаның жай-күйіне бақылау Шымкент қаласында 6 бекетте, оның ішінде 4 қолмен сынама алу және 2 автоматты бекетте 11 көрсеткіш бойынша жүргізіледі. 2020 жылғы 13-20 тамыз кезеңінде 6 стационарлық бекеттің бақылау деректері бойынша шекті рұқсат етілген нормалардың:
1) №5 ЛББ (Самал-3 шағын ауданы) шаң бойынша - 2,4 ШРШ-ға дейін (2020 жылғы 13-17 тамыз) 13 асып кету жағдайы, РМ-10 қалқыма бөлшектері бойынша - 3,6 ШРШ-ға дейін (2020 жылғы 13, 15 және 17 тамыз) 10 асып кету жағдайы.
2) №6 ЛББ (Нұрсат шағын ауданы) шаң бойынша - 1,6 ШРШ-ға дейін (2020 жылғы 13, 15, 16 және 18 тамыз) 10 асып кету жағдайы, РМ-2,5 қалқыма бөлшектері бойынша - 1,3 ШРШ-ға дейін (2020 жылғы 14 тамыз) 3 асып кету жағдайы, РМ-10 қалқыма бөлшектері бойынша - 1,1 ШРШ-ға дейін (2020 жылғы 15 тамыз) 1 асып кету жағдайы байқалды.
Қалған заттар бойынша (күкірт диоксиді, азот диоксиді, азот оксиді, көміртегі оксиді) асып кету тіркелген жоқ.
Жалпы қала бойынша жоғары (10 ШРШ-дан астам) және экстремалды жоғары ластану (50 ШРШ-дан астам) жағдайлар тіркелген жоқ.
ҚР Экология, геология және табиғи ресурстар министрлігі «Қазгидромет» РМК Түркістан облысы бойынша филиалы атмосфералық ауаның жоспардан тыс өлшеулерін 4 күн бойы жүргізді. Жүргізілген талдау нәтижелері бойынша ластаушы заттардың шоғырлануы нормадан асқан жоқ.
