2025 жылғы 24 қыркүйекте «Қазгидромет» РМК-де халықаралық GIZ жобасы – «Орталық Азия елдерінде трансшекаралық климаттық қауіп пен табиғи апаттар қауіпін басқару» аясында кездесу өтті.
Жобаның мақсаты – климаттық қауіпті басқаруды нығайту және өңірдегі төтенше жағдайларға дайындықты арттыру. Жоба 2022–2026 жылдары ҚР Экология және табиғи ресурстар министрлігі, ҚР ТЖМ және «Қазгидромет» РМК-ның қатысуымен жүзеге асырылуда.
Кездесу барысында Шу өзені бассейні бойынша климаттық қауіпті бағалау қорытындылары, гидрологиялық модельдеуді жетілдіру және ерте ескерту жүйелері, сондай-ақ өңірлік диалог алаңдарын дамыту мәселелері талқыланды.
Атап өтілгендей, жоба өңір елдері арасындағы ынтымақтастықты нығайтуға, климаттық және гидрологиялық үдерістерді мониторингілеу сапасын арттыруға және климаттың өзгеруіне бейімделу саласында мамандар даярлауға ықпал етеді.
