Келісімге әл-Фараби атындағы университет пен Ұлттық гидрометеорологиялық қызметтің басшылары қол қойды.
Меморандум ғылыми және білім беру салаларындағы ұзақ мерзімді әрі өзара тиімді әріптестікті дамытуға бағытталған. Келісім аясында «Гидрология» және «Метеорология» мамандықтары бойынша білім алып жатқан студенттер «Қазгидромет» РМК базасында өндірістік практикадан өте алады.
Бұл болашақ мамандарға университетте алған теориялық білімдерін бекітіп қана қоймай, кәсіпорын базасында практикалық тәжірибе жинақтауға мүмкіндік береді. Бұл кәсіби қызметке даярланудың маңызды кезеңі болып табылады.
Келісімді іске асыру білікті гидрометеоролог мамандарды даярлаудағы маңызды қадам болып саналады.
