Есептік деректерге сәйкес, қалыптасқан агрометеорологиялық жағдай мен алдағы кезеңге арналған ауа райы болжамын ескере отырып, күздік бидайдың өнімділігі негізінен көпжылдық орташа көрсеткіштер деңгейінде күтіледі.
Алматы облысында өнімділік Іле ауданында 10,5–12,5 ц/га-дан Еңбекшіқазақ ауданында 22,8–24,8 ц/га-ға дейін болады деп болжануда.
Жамбыл облысында өнімділік Талас және Сарысу аудандарында 11,2–13,3 ц/га, ал Шу ауданында 15,8–17,8 ц/га деңгейінде күтіледі.
Жетісу облысында өнімділік Кербұлақ ауданында 15,8–17,8 ц/га-дан Талдықорған қаласында 21,3–23,3 ц/га-ға дейін болады деп болжануда.
Түркістан облысының Қазығұрт ауданында күздік бидай өнімділігі нормадан жоғары болып, 21,7–23,7 ц/га деңгейінде күтіледі. Облыстың қалған аумақтарында өнімділік көпжылдық орташа мәндер шегінде болады: Сарыағаш және Арыс аудандарында 11,7–13,8 ц/га-дан Мақтаарал ауданында 29,8–30,8 ц/га-ға дейін.
Оңтүстік өңірлер аудандары бойынша өнімділік болжамымен «Қазгидромет» РМК-ның ресми сайтында және фермерлерге арналған «AgroData» қосымшасында танысуға болады.
