Үрімші қаласында «Қазгидромет» РМК бас директоры Данара Алимбаева Екінші Қытай-Орталық Азия метеорологиялық ынтымақтастық форумында сөз сөйледі.
Өз сөзінде ол заманауи ерте ескерту жүйелерін дамытудың маңыздылығын атап өтті.
Климаттық тәуекелдер трансшекаралық сипатқа ие және Орталық Азия елдерінің бірлескен іс-қимылын талап етеді. Сондықтан өңірдің ұлттық гидрометеорологиялық қызметтері мен ғылыми қауымдастықтарының сенімді әріптестігі гидрометеорологиялық қауіпсіздікті қамтамасыз етуге, климаттық сын-қатерлерге жедел ден қоюға және нақты іс-қимыл жоспарын әзірлеуге мүмкіндік береді.
Форум аясында қатысушылар ауа райын болжау мәселелерімен қатар, жаңа технологияларды, соның ішінде жасанды интеллектіні қолдану мүмкіндіктерін талқылады.
