№ 75 мектептің 7-сынып оқушылары «Қазгидромет» РМК-ға экскурсия жасап, Қазақстанның ұлттық гидрометеорологиялық қызметінің тарихымен және жұмыс ерекшеліктерімен танысты.
Экскурсия барысында оқушыларға еліміздегі метеорологиялық бақылаулардың даму тарихы, «Қазгидрометтің» қалыптасуы және халықты ауа райы мен гидрометеорологиялық құбылыстар туралы ақпаратпен қамтамасыз етудегі рөлі жөнінде айтылды.
Сондай-ақ оқушылар Гидрометорталыққа барып, мамандардың ауа райы жағдайларын қалай талдайтынын, болжамдарды қалай жасайтынын және атмосфералық үдерістердегі өзгерістерді қалай бақылайтынын білді.
«Қазгидромет» өскелең ұрпақты гидрометеорологиялық қызметтің жұмысымен және оның қоғам үшін маңызымен таныстыруды жалғастыруда.
