«Қазгидромет» РМК «Қазақстан Республикасы территориясындағы климаттың жағдайы мен өзгерісін бақылау жөніндегі 2025 жылға арналған жыл сайынғы бюллетеньді» ұсынды.
Құжатта климаттың құбылмалылығы мен өзгеруі туралы ғылыми негізделген ақпарат, соның ішінде температура мен жауын-шашын режимдерін бағалау, сондай-ақ 2025 жылы байқалған экстремалды құбылыстар сипаттамасы берілген.
Климаттық тенденцияларды бақылау және талдау – ұлттық гидрометеорологиялық қызметтің негізгі міндеттері болып табылады. Бюллетеньдегі нәтижелер климаттық тәуекелдерді бағалау, бейімделу шараларын әзірлеу және жаһандық климаттың өзгеруі жағдайында Қазақстанның тұрақты дамуын қамтамасыз ету үшін пайдаланылады.
Қазақстан Республикасы территориясындағы климаттың жағдайы мен өзгерісін бақылау жөніндегі 2025 жылға арналған жыл сайынғы бюллетеньнің толық нұсқасы «Қазгидромет» РМК ресми сайтында қолжетімді:
