Жарияланды 18.09.2020 «Қазгидромет» РМК «Біздің мамандар» атты жаңа айдар ашады, онда Қазақстанның Гидрометеорологиялық қызметінің жұмыскерлері туралы айтып береміз. Бүгін біздің айдарымыздың кейіпкері Атамбаева Алтынай Мақұлбекқызы.
Алтынай Мақұлбекқызы – «Қазгидромет» РМК Түркістан облысы бойынша филиалы табиғи ортаның ластануына мониторинг жүргізу зертханасының жетекші инженері. 1966 жылы Шымкент қаласында дүниеге келген.
1985 жылы Қазақ химия-технологиялық институтының Тұтқыр заттардың химиялық технологиясы факультетіне түседі. 1991 жылы «Қазгидромет» Шымкент гидрометеорология орталығына табиғи ортаның ластануына мониторинг жүргізу зертханасына техник-химик лауазымына қабылданды. 1992 жылы осы зертхананың инженер-химигі лауазымына ауыстырылды. 2010 жылдан бастап «Қазгидромет» РМК Оңтүстік Қазақстан гидрометеорология орталығының ТБЛМЗ жетекші инженері лауазымын атқарады.
Алтынай Мақұлбекқызы білікті маман бола отырып, қолданыстағы стандарттарға, сондай-ақ заманауи ғылым мен техниканың жетістіктеріне сәйкес келетін жұмыстардың жоғары сапасы мен уақтылығын қамтамасыз етеді.